(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
12.290. అధ్యాయః 290
Mahabharata - Shanti Parva - Chapter Topics
వీరభద్రేణ దక్షయజ్ఞభంగః॥ 1॥ దక్షకృతస్తుతిప్రసన్నేన రుద్రేణ దక్షాయ వరదానం॥ 2॥
Mahabharata - Shanti Parva - Chapter Text

జనమేజయ ఉవాచ। 12-290-0x(6411)(76914)
ప్రాచేతసస్య దక్షస్య కథం వైవస్వతేంతరే।
వినాశమగమద్బ్రహ్మన్హయమేధః ప్రజాపతేః। 12-290-1(76915)
`కథం స చాభవద్బ్రహ్మన్హయమేవ ప్రజాపతేః॥' 12-290-1x(6412)
దేవ్యా మన్యుకృతం మత్వా క్రుద్ధః సర్వాత్మకః ప్రభుః।
ప్రసాదాత్తస్య దక్షేణ స యజ్ఞః సంధితః కథం।
ఏతద్వేదితుమిచ్ఛేయం తన్మే బ్రూహి యథాతథం॥ 12-290-2(76916)
వైశంపాయన ఉవాచ। 12-290-3x(6413)
పురా హిమవతః పృష్ఠే దక్షో వై యజ్ఞమాహరత్।
గంగాద్వారే శుభే దేశే ఋషిసిద్ధనిషేవితే॥ 12-290-3(76917)
గంధర్వాప్సరసాకీర్ణే నానాద్రుమలతావృతే।
ఋషిసంఘైః పరివృతం దక్షం ధర్మభృతాం వరం॥ 12-290-4(76918)
పృథివ్యామంతరిక్షే చ యే చ స్వర్లోకవాసినః।
సర్వే ప్రాజ్జలయో భూత్వా ఉపతస్థుః ప్రజాపతిం॥ 12-290-5(76919)
దేవదానవగంధర్వాః పిశాచోరగరాక్షసాః।
హాహా హూహూశ్చ గంధర్వౌ తుంబురుర్నారదస్తథా॥ 12-290-6(76920)
విశ్వావసుర్విశ్వసేనో గంధర్వాప్సరసస్తథా।
ఆదిత్యా వసవో రద్రాః సాధ్యాః సహ మరుద్గణైః॥ 12-290-7(76921)
ఇంద్రేణ సహితాః సర్వే ఆగతా యజ్ఞభాగినః।
ఊష్మపాః సోమపాశ్చైవ ధూమపా ఆజ్యపాస్తథా॥ 12-290-8(76922)
ఋషయః పితరశ్చైవ ఆగతా బ్రహ్మణా సహ।
ఏతే చాన్యే చ బహవో భూతగ్రామాశ్చతుర్విధాః॥ 12-290-9(76923)
జరాయుజాండజాశ్చైవ సహసా స్వేదజోద్భిజైః।
ఆహూతా మంత్రితాః సర్వే దేవాశ్చ సహ పత్నిభిః॥ 12-290-10(76924)
విరాజంతే విమానస్థా దీప్యమానా ఇవాగ్నయః।
తాందృష్ట్వా మన్యునాఽఽవిష్టో దధీచిర్వాక్యమబ్రవీత్॥ 12-290-11(76925)
నాయం యజ్ఞో న వా ధర్మో యత్ర రుద్రో న ఇజ్యతే।
వధబంధం ప్రపన్నా వై కింను కాలస్య పర్యయః॥ 12-290-12(76926)
కింను మోహాన్న పశ్యంతి వినాశం పర్యుపస్థితం।
ఉపస్థితం భయం ఘోరం న బుధ్యంతి యహాధ్వరే॥ 12-290-13(76927)
ఇత్యుక్త్వా స మహాయోగీ పశ్యతి ధ్యానచక్షుషా।
స పశ్యతి మహాదేవం దేవీం చ వరదాం శుభాం॥ 12-290-14(76928)
నారదం చ మహాత్మానం తస్యా దేవ్యాః సమీపతః।
సంతోషం పరమం లేభే ఇతి నిశ్చిత్య యోగవిత్॥ 12-290-15(76929)
ఏకమంత్రాస్తు తే సర్వే యేనేశో న నిమంత్రితః।
తస్మాద్దేశాదపక్రంయ దధీచిర్వాక్యమబ్రవీత్॥ 12-290-16(76930)
అపూజ్యపూజనాచ్చైవ పూజ్యానాం చాప్యపూజనాత్।
నృఘాతకసమం పాపం శశ్వత్ప్రాప్నోతి మానవః॥ 12-290-17(76931)
అనృతం నోక్తపూర్వం మే న చ వక్ష్యే కదాచన।
దేవతానామృషీణాం చ మధ్యే సత్యం బ్రవీంయహం॥ 12-290-18(76932)
ఆగతం పశుభర్తారం స్రష్టారం జగతః పతిం।
అధ్వరే హ్యగ్రభోక్తారం హ్యర్వేషాం పశ్యత ప్రభుం॥ 12-290-19(76933)
దక్ష ఉవాచ। 12-290-20x(6414)
సంతి నో బహవో రుద్రాః శూలహస్తాః కపర్దినః।
ఏకాదశస్థానగతా నాహం వేద్మి మహేశ్వరం॥ 12-290-20(76934)
దధీచిరువాచ। 12-290-21x(6415)
సర్వేషామేవ మంత్రోఽయం యేనాసౌ న నిమంత్రితః।
యథాఽహం శంకరాదూర్ధ్వం నాన్యం పశ్యామి దైవతం।
తథా దక్షస్య విపులో యజ్ఞోఽయం నభవిష్యతి॥ 12-290-21(76935)
దక్ష ఉవాచ। 12-290-22x(6416)
ఏతన్మఖేశాయ సువర్ణపాత్రే
హవిః సమస్తం విధిమంత్రపూతం।
విష్ణోర్నయాంయప్రతిమస్య భాగం
ప్రభుర్విభుశ్చాహవనీయ ఏషః॥ 12-290-22(76936)
దేవ్యువాచ। 12-290-23x(6417)
కిం నామ దానం నియమం తపో వా
కుర్యామహం యేన పతిర్మమాద్య।
` లభేత భాగం చ తథైవ సర్వం
ప్రభుర్విభుశ్చాహవనీయ ఏషః।'
లభేత భాగం భగవానచింత్యో
హ్యర్ధం తథా భాగమథో తృతీయం॥ 12-290-23(76937)
ఏవం బ్రువాణాం భగవాన్స్వపత్నీం
ప్రహృష్టరూపః క్షుభితామువాచ।
న వేత్సి మాం దేవి కృశోదరాంగి
కిం నామ యుక్తం వచనం మఖేశే॥ 12-290-24(76938)
అహం విజానామి విశాలనేత్రే
ధ్యానేన హీనా న విదంత్యసంతః।
తవాద్య మోహేన చ సేంద్రదేవా
లోకాస్త్రయః సర్వత ఏవ మూఢాః॥ 12-290-25(76939)
మామధ్వరే శంసితారః స్తువంతి
రథంతరం సామగాశ్చోపగాంతి।
మాం బ్రాహ్మణా బ్రహ్మవిదో యజంతే
మమాధ్వర్యవః కల్పయంతే చ భాగం॥ 12-290-26(76940)
దేవ్యువాచ। 12-290-27x(6418)
సుప్రాకృతోఽపి పురుషః సర్వః స్త్రీజనసంసది।
స్తౌతి గర్వాయతే చాపి స్వమాత్మానం న సంశయః॥ 12-290-27(76941)
శ్రీభగవానువాచ। 12-290-28x(6419)
నాత్మానం స్తౌమి దేవేశి పశ్య మే తనుమధ్యమే।
యం స్రక్ష్యామి వరారోహే యాగార్థే వరవర్ణిని॥ 12-290-28(76942)
ఇత్యుక్త్వా భగవాన్పత్నీముమాం ప్రాణైరపి ప్రియాం।
సోఽసృజద్భగవాన్వక్రాద్భూతం ఘోరం ప్రహర్షణం॥ 12-290-29(76943)
తమువాచాక్షిప మఖం దక్షస్యేతి మహేశ్వరః।
తతో వక్రాద్విముక్తేన సింహేనైకేన లీలయా॥ 12-290-30(76944)
దేవ్యా మన్యువ్యపోహార్థం హతో దక్షస్య వై క్రతుః।
మన్యునా చ మహాభీమా మహాకాలీ మహేశ్వరీ॥ 12-290-31(76945)
ఆత్మనః కర్మసాక్షిత్వే తేన సార్ధం సహానుగా।
దేవస్యానుమతం మత్వా ప్రణంయ శిరసా తతః॥ 12-290-32(76946)
ఆత్మనః సదృశః శౌర్యాద్బలరూపసమన్వితః।
స ఏవ భగవాన్క్రోధః ప్రతిరూపసమన్వితః॥ 12-290-33(76947)
అనంతబలవీర్యశ్చ అనంతబలపౌరుషః।
వీరభద్ర ఇతి ఖ్యాతో దేవ్యా మన్యుప్రమార్జకః॥ 12-290-34(76948)
సోఽసృజద్రోమకూషేభ్యో రౌంయాన్నామ గణేశ్వరాన్।
రుద్రతుల్యా గణా రౌద్రా రుద్రవీర్యపరాక్రమాః॥ 12-290-35(76949)
తే నిపేతుస్తతస్తూర్ణం దక్షయజ్ఞవిహింసయా।
భీమరూపా మహాకాయాః శతశోఽథ సహస్రశః॥ 12-290-36(76950)
తతః కిలకిలాశబ్దైరాకాశం పూరయంతి చ।
తేన శబ్దేన మహతా త్రస్తాస్తత్ర దివౌకసః॥ 12-290-37(76951)
పర్వతాశ్చ వ్యశీర్యంత చకంపే చ వసుంధరా।
మారుతాశ్చైవ ఘూర్ణంతే చుక్షుభే వరుణాలయః॥ 12-290-38(76952)
అగ్నయో నైవ దీప్యంతే నైవ దీప్యతి భాస్కరః।
గ్రహా చైవ ప్రకాశంతే నక్షత్రాణి న చంద్రమాః॥ 12-290-39(76953)
ఋషయో న ప్రకాశంతే న దేవా న చ మానుషాః।
ఏవం తు తిమిరీభూతే నిర్దహంత్యపమానితాః॥ 12-290-40(76954)
ప్రహరంత్యపరే ఘోరా యూపానుత్పాటయంతి చ।
ప్రమర్దంతి తథా చాన్యే విమర్దంతి తథాఽపరే॥ 12-290-41(76955)
ఆధావంతి ప్రధావంతి వాయువేగా మనోజవాః।
చూర్ణ్యంతే యజ్ఞపాత్రాణి దివ్యాన్యాభరణాని చ॥ 12-290-42(76956)
విశీర్యరమాణా దృశ్యంతే తారా ఇవ నభస్తలే।
దివ్యాన్నపానభక్ష్యాణాం రాశయః పర్వతోపమాః॥ 12-290-43(76957)
క్షీరనద్యోఽథ దృశ్యంతే ధృతపాయసకర్దమాః।
దధిమండేదకా దివ్యాః ఖండశర్కరవాలుకాః॥ 12-290-44(76958)
షడ్రసా నివహంత్యేతా గుడకుల్యా మనోరమాః।
ఉచ్చావచాని మాంసాని భక్ష్యాణి వివిధాని చ॥ 12-290-45(76959)
పానకాని చ దివ్యాని లేహ్యచోష్యాణి యాని చ।
భృంజతే వివిధైర్వక్రైర్విలుంపంత్యాక్షిపంతి చ॥ 12-290-46(76960)
రుద్రకోపాన్మహాకాయాః కాలాగ్నిసదృశోపమాః।
క్షోభయన్సురసైన్యాని భీక్షయంతః సమంతతః॥ 12-290-47(76961)
క్రీడంతి వివిధాకారాశ్చిక్షిషుః సురయోషితః।
రుద్రక్రోధాత్ప్రయత్నేన సర్వదేవైః సురక్షితం॥ 12-290-48(76962)
తం యజ్ఞమదహచ్ఛీఘ్నం రుద్రకర్మా సమంతతః।
చకార భైరవం నాదం సర్వభూతభయంకరం॥ 12-290-49(76963)
ఛిత్త్వా శిరో వై యజ్ఞస్య ననాద చ ముమోద చ।
తతో బ్రహ్మాదయో దేవా దక్షశ్చైవ ప్రజాపతిః॥ 12-290-50(76964)
ఊచుః ప్రాంజలయః సర్వే కథ్యతాం కో భవానితి। 12-290-51(76965)
వీరభద్ర ఉవాచ।
నాహం రుద్రో న వా దేవీ నైవ భోక్తుమిహాగతః॥ 12-290-51x(6420)
దేవ్యా మన్యుకృతం మత్వా క్రుద్ధః సర్వాత్మకః ప్రభుః।
ద్రష్టుం వా నైవ విప్రేంద్రాన్నైవ కౌతూహలేన వా॥ 12-290-52(76966)
తవ యజ్ఞవిఘాతార్థం సంప్రాప్తం విద్ధి మామిహ।
వీరభద్ర ఇతి ఖ్యాతో రుద్రకోపాద్వినిఃసృతః॥ 12-290-53(76967)
భద్రకాలీతి విఖ్యాతా దేవ్యాః కోపాద్వినిః సృతా।
ప్రేషితౌ దేవదేవేన యజ్ఞాంతికమిహాగతౌ॥ 12-290-54(76968)
శరణం గచ్ఛ విప్రేంద్ర దేవదేవముమాపతిం।
వరం క్రోధోఽపి దేవస్య వరదానం న చాన్యతః॥ 12-290-55(76969)
వీరభద్రవచః శ్రుత్వా దక్షో ధర్మభృతాం వరః।
తోషయామాస స్తోత్రేణ ప్రణిపత్యం మహేశ్వరం॥ 12-290-56(76970)
ప్రపద్యే దేవమీశానం శాశ్వతం ధ్రువమవ్యయం।
మహాదేవం మహాత్మానం విశ్వస్య జగతః పతిం॥ 12-290-57(76971)
దక్షప్రజాపతేర్యజ్ఞేః ద్రవ్యైస్తైః సుసమాహితైః।
ఆహూతా దేవతాః సర్వా ఋషయశ్చ తపోధనాః॥ 12-290-58(76972)
దేవో నాహూయతే తత్ర విశ్వకర్మా మహేశ్వరః।
తత్ర క్రుద్ధా మహాదేవీ గణాంస్తత్ర వ్యసర్జయత్॥ 12-290-59(76973)
ప్రదీప్తే యజ్ఞవాటే తు విద్గుతేషు ద్విజాతిషు।
తారాగణమనుప్రాప్తే రౌద్రే దీప్తే మహాత్మని॥ 12-290-60(76974)
శూలనిర్భిన్నహృదయైః కూజద్భిః పరిచారకైః।
నిఖాతోత్పాటితైర్యూరపవిద్ధైరితస్తతః॥ 12-290-61(76975)
ఉత్పతద్భిః పతద్భిశ్చ గృధ్రైరామిషగృద్ధిభిః।
పక్షవాతవినిర్ధూతైః శివాశతనినాదితైః॥ 12-290-62(76976)
యక్షగంధర్వసంఘైశ్చ పిశాచోరగరాక్షమైః।
ప్రాణాపానౌ సంనిరుధ్య వక్రస్థానేన యత్నతః॥ 12-290-63(76977)
విచార్య సర్వతో దృష్టిం బహుదృష్టిరమిత్రజిత్।
సహసా దేవదేవేశో హ్యగ్నికుండాత్సముత్థితః॥ 12-290-64(76978)
విభ్రత్సూర్యసహస్రస్య తేజః సంవర్తకోపమః।
స్మితం కృత్వాఽవ్రవీద్వాక్యం బ్రూహి కిం కరవాణి తే॥ 12-290-65(76979)
శ్రావితే చ మఖాధ్యాయే దేవానాం గురుణా తతః।
తమువాచాజ్జలిం కృత్వా దక్షో దేవం ప్రజాపతిః॥ 12-290-66(76980)
భీతశంకితవిత్రస్తః సవాష్పవదనేక్షణః।
యది ప్రసన్నో భగవాన్యది చాహం భవత్ప్రియః॥ 12-290-67(76981)
యది వాఽహభనుగ్రాహ్యో యది వా వరదో మమ।
యద్దగ్ధం భక్షితం పీతమశిత్తం యచ్చ నాశితం॥ 12-290-68(76982)
చూర్ణీకృతాపవిద్ధం చ యజ్ఞసంభారమీదృశం।
దీర్ఘకాలేన మహతా ప్రయత్నేన సుసంచితం।
తన్న మిథ్యా భవేన్మహ్యం వరమేతమహం వృణే॥ 12-290-69(76983)
తథాఽస్త్విత్యాహ భగవాన్భగనేత్రహరో హరః।
ధర్మాధ్యక్షో విరూపాక్షస్త్ర్యక్షో దేవః ప్రజాపతిః॥ 12-290-70(76984)
జానుభ్యామవనీం గత్వా దక్షో లబ్ధ్వా భవాద్వరం।
నాంనామష్టసహస్రేణ స్తుతవాన్వృషభధ్వజం॥ 12-290-71(76985)
యుధిష్ఠిర ఉవాచ। 12-290-72x(6421)
యైర్నామఘేయైః స్తుతవాందక్షో దేవం ప్రజాపతిః।
వక్తుమర్హసి మే తాత శ్రోతుం శ్రద్ధా మమానఘ॥ 12-290-72(76986)
భీష్మ ఉవాచ। 12-290-73x(6422)
శ్రూయతాం దేవదేవస్య నామాన్యద్భూతకర్మణః।
గూఢవ్రతస్య గుహ్యాని ప్రకాశాని చ భారత॥ 12-290-73(76987)
నమస్తే దేవదేవేశ దేవారిబలసూదన।
దేవేంద్రబలవిష్టంభ దేవదానవపూజిత॥ 12-290-74(76988)
సహస్రాక్ష విరూపాక్ష త్ర్యక్ష యక్షాధిపప్రియ।
సర్వతః పాణిపాదాంత సర్వతోక్షిశిరోముఖం॥ 12-290-75(76989)
సర్వతః శ్రుతిమంల్లోకే సర్వమావృత్య తిష్ఠసి।
శంకుకర్ణ మహాకర్ణ కుంభకర్ణార్ణవాలయ॥ 12-290-76(76990)
గజేంద్రకర్ణ గోకర్ణ పాణికర్ణ నమోస్తు తే।
శతోదర శతావర్త శతజిహ్న నమోస్తు తే॥ 12-290-77(76991)
గాయంతి త్వా గాయత్రిణోఽర్చంత్యర్కమర్కిణః।
బ్రహ్మాణం త్వా శతక్రతుమూర్ధ్వం ఖమివ మేనిరే॥ 12-290-78(76992)
మూర్తౌ హి తే మహామూర్తే సముద్రాంబరసన్నిభ।
సర్వా వై దేవతా హ్యస్మిన్గావో గోష్ఠ ఇవాసతే॥ 12-290-79(76993)
భవచ్ఛరీరే పశ్యామి సోమమగ్నిం జలేశ్వరం।
ఆదిత్యమథ వై విష్ణుం బ్రహ్మాణం చ బృహస్పతిం॥ 12-290-80(76994)
భగవాన్కారణం కార్యం క్రియా కరణమేవ చ।
అసతశ్చ సతశ్చైవ తథైవ ప్రభవాప్యయౌ॥ 12-290-81(76995)
నమో భవాయ శర్వాయ రుద్రాయ వరదాయ చ।
పశూనాం పతయే నిత్యం నమోస్త్వంధకఘాతినే॥ 12-290-82(76996)
త్రిజటాయ త్రిశీర్షాయ త్రిశూలవరపాణినే।
త్ర్యంబకాయ త్రినేత్రాయ త్రిపురఘ్నాయ వై నమః॥ 12-290-83(76997)
నమశ్చండాయ కృండాయ అండాయాండధరాయ చ।
దండినే సమకర్ణాయ దండిముండాయ వై నమః॥ 12-290-84(76998)
నమోర్ధ్వదంష్ట్రకేశాయ శుక్లాయావతతాయ చ।
విలోహితాయ ధూంరాయ నీలగ్నీవాయ వై నమః॥ 12-290-85(76999)
నమోస్త్వప్రతిరూపాయ విరూపాయ శివాయ చ।
సూర్యాయ సూర్యమాలాయ సూర్యధ్వజపతాకినే॥ 12-290-86(77000)
నమః ప్రమథనాథాయ వృషస్కంధాయ ధన్వినే।
శత్రుందమాయ దండాయ పర్ణచీరపటాయ చ॥ 12-290-87(77001)
నమో హిరణ్యగర్భాయ హిరణ్యకవచాయ చ।
హిరణ్యకృతచూడాయ హిరణ్యపతయే నమః॥ 12-290-88(77002)
నమః స్తుతాయ స్తుత్యాయ స్తూయమానాయ వై నమః।
సర్వాయ సర్వభక్షాయ సర్వభూతాంతరాత్మనే॥ 12-290-89(77003)
నమో హోత్రేఽథ మంత్రాయ శుక్లధ్వజపతాకినే।
నమో నాభాయ నాభ్యాయ నమః కటకటాయ చ॥ 12-290-90(77004)
నమోస్తు కృశనాసాయ కృశాంగాయ కృశాయ చ।
సంహృష్టాయ విహృష్టాయ నమః కిలకిలాయ చ॥ 12-290-91(77005)
నమోస్తు శయమానాయ శయితాయోత్థితాయ చ।
స్థితాయ ధావమానాయ ముండాయ జటిలాయ చ॥ 12-290-92(77006)
నమో నర్తనశీలాయ ముఖవాదిత్రవాదినే।
నాద్యోపహారలుబ్ధాయ గీతవాదిత్రశాలినే॥ 12-290-93(77007)
నమో జ్యేష్ఠాయ శ్రేష్ఠాయ వలప్రమథనాయ చ।
కాలనాథాయ కల్యాయ క్షయాయోపక్షయాయ చ॥ 12-290-94(77008)
భీమదుందుభిహాసాయ భీమవ్రతధరాయ చ।
ఉగ్రాయ చ నమో నిత్యం నమోస్తు దశబాహవే॥ 12-290-95(77009)
నమః కపాలహస్తాయ చితిభస్మప్రియాయ చ।
విభీషణాయ భీష్మాయ భీమవ్రతధరాయ చ॥ 12-290-96(77010)
నమో వికృతవక్రాయ ఖంగజిహ్వాయ దంష్ట్రిణే।
పక్వామమాంసలుబ్ధాయ తుంబీవీణాప్రియాయ చ॥ 12-290-97(77011)
నమో వృషాయ వృష్యాయ గోవృషాయ వృషాయ చ।
కటంకటాయ దండాయ నమః పచపచాయ చ॥ 12-290-98(77012)
నమః సర్వవరిష్ఠాయ వరాయ వరదాయ చ।
వరమాల్యగంధవస్త్రాయ వరాతివరదే నమః॥ 12-290-99(77013)
నమో రక్తవిరక్తాయ భావనాయాక్షమాలినే।
సంభిన్నాయ విభిన్నాయ చ్ఛాయాయాతపనాయ చ॥ 12-290-100(77014)
అఘోరఘోరరూపాయ ఘోరఘోరతరాయ చ।
నమః శివాయ శాంతాయ నమః శాంతతమాయ చ॥ 12-290-101(77015)
ఏకపాద్వహునేత్రాయ ఏకశీర్ష్ణే నమోస్తు తే।
రుద్రాయ క్షుద్రలుబ్ధాయ సంవిభాగప్రియాయ చ॥ 12-290-102(77016)
పంచాలాయ సితాంగాయ నమః శమశమాయ చ।
నమశ్చండికఘంటాయ ఘంటాయాఘంటఘంటినే॥ 12-290-103(77017)
సహస్రాధ్మాతఘంటాయ ఘంటామాలాప్రియాయ చ।
ప్రాణఘంటాయ గంధాయ నమః కలకలాయ చ॥ 12-290-104(77018)
హూంహూంహూంకారపారాయ హూంహూంకారప్రియాయ చ।
నమః శమశమే నిత్యం గిరివృక్షాలయాయా చ॥ 12-290-105(77019)
గర్భమాంససృగాలాయ తారకాయ తరాయ చ।
నమో యజ్ఞాయ యజినే హుతాయ ప్రహుతాయ చ॥ 12-290-106(77020)
యజ్ఞవాహాయ దాంతాయ తప్యాయాతపనాయ చ।
నమస్తటాయ తట్యాయ తటానాం పతయే నమః॥ 12-290-107(77021)
అన్నదాయాన్నపతయే నమస్త్వన్నభుజే తథా।
నమః సహస్రశీర్షాయ సహస్రచరణాయ చ॥ 12-290-108(77022)
సహస్రోద్యతశూలాయ సహస్రనయనాయ చ।
నమో బాలార్కవర్ణాయ బాలరూపధరాయ చ॥ 12-290-109(77023)
బాలానుచరగోప్తాయ బాలక్రీడనకాయ చ।
నమోవృద్ధాయ లుబ్ధాయ క్షుబ్ధాయ క్షోభణాయ చ॥ 12-290-110(77024)
తరంగాంకితకేశాయ ముంజకేశాయ వై నమః।
నమః షట్కర్మతుష్టాయ త్రికర్మనిరతాయ చ॥ 12-290-111(77025)
వర్ణాశ్రమాణాం విధివత్పృథక్కర్మనివర్తినే।
నమో ఘుష్యాయ ఘోషాయ నమః కలకలాయ చ॥ 12-290-112(77026)
శ్వేతపింగలనేత్రాయ కృష్ణరక్తేక్షణాయ చ।
ప్రాణభగ్నాయ దండాయ స్ఫోటనాయ కృశాయ చ॥ 12-290-113(77027)
ధర్మకామార్థమోక్షాణాం కథనీయకథాయ చ।
సాంఖ్యాయ సాంఖ్యముఖ్యాయ సాంఖ్యయోగప్రవర్తినే॥ 12-290-114(77028)
నమో రథ్యవిరథ్యాయ చతుష్పథరథాయ చ।
కృష్ణాజినోత్తరీయాయ వ్యాలయజ్ఞోపవీతినే॥ 12-290-115(77029)
ఈశానవజ్రసంఘాతహరికేశ నమోస్తు తే।
త్ర్యంబకాంబికనాథాయ వ్యక్తావ్యక్త నమోస్తు తే॥ 12-290-116(77030)
కామ కామద కామఘ్న తృప్తాతృప్తవిచారిణే।
సర్వ సర్వద సర్వఘ్న సంంధ్యారాగ నమోస్తు తే॥ 12-290-117(77031)
`మహాబల మహాబాహో మహాసత్వ మహాద్యుతే।
మహామేఘచలప్రఖ్య మహాకాల నమోస్తు తే।
స్థూలజీర్ణాంగజటిలే వత్కలాజినధారిణే॥ 12-290-118(77032)
దీప్తసూర్యాగ్నిజటినే వత్కలాజినవాససే।
రసహస్రసూర్యప్రతిమ తపోనిత్య తమోస్తు తే॥ 12-290-119(77033)
ఉన్మాదనుశతావర్త గంగాతోయార్ద్రమూర్ధజ।
చంద్రవర్త యుగావర్త మేఘావర్త నమోస్తు తే॥ 12-290-120(77034)
త్వమన్నమత్తా భోక్తా చ అన్నదోఽన్నభుగేవ చ।
అన్నస్రష్టా చ పక్తా చ పక్కభుక్పవనోఽనలః॥ 12-290-121(77035)
జరాయుజాండజాశ్చైవ స్వేదజాశ్చ తథోద్భిజాః।
త్వమేవ దేవదేవేశ భూతగ్రామశ్చతుర్విధః॥ 12-290-122(77036)
చరాచరస్య స్రష్టా త్వం ప్రతిహర్తా తథైవ చ।
త్వామాహుర్బ్రహ్మవిదుషో బ్రహ్మ బ్రహ్మవిదాంవర॥ 12-290-123(77037)
మనసః పరమా యోనిః ఖం వాయుర్జ్యోతిషాం నిధిః।
ఋక్సామాని తథోంకారమాహుస్త్వాం బ్రహ్మవాదినః॥ 12-290-124(77038)
హాయిహాయి హువాహాయి హావుహాయి తథాఽసకృత్।
గాయంతి త్వాం సురశ్రేష్ఠ సామగా బ్రహ్మవాదినః॥ 12-290-125(77039)
యజుర్మయో ఋఙ్భయశ్చ త్వమాహుతిమయస్తథా।
పఠ్యసే స్తుతిభిశ్చైవ వేదోపనిషదాం గణైః॥ 12-290-126(77040)
బ్రాహ్మణాః క్షత్రియా వైశ్యాః శూద్రా వర్ణావరాశ్చ యే।
త్వమేవ మేఘసంఘాశ్చ విద్యుత్స్తనితగర్జితః॥ 12-290-127(77041)
సంవత్సరస్త్వాముతవో మాసో మాసార్ధమేవ చ।
యుగం నిమేషాః కాష్ఠాస్త్వం నక్షత్రాణి గ్రహాః కలాః॥ 12-290-128(77042)
వృక్షాణాం కకుదోసి త్వం గిరీణాం శిఖరాణి చ।
వ్యాఘ్రో మృగాణాం పతతాం తార్క్ష్యోఽనంతశ్చ భోగినాం॥ 12-290-129(77043)
క్షీరాదో హ్యుదధీనాం చ యంత్రాణాం ధనురేవ చ।
వజ్రః ప్రహరణానాం చ వ్రతానాం సత్యమేవ చ॥ 12-290-130(77044)
త్వమేవ ద్వేష ఇచ్ఛా చ రాగో మోహః క్షమాక్షమే।
వ్యవసాయో ధృతిర్లోభః కామక్రోధౌ జయాజయౌ॥ 12-290-131(77045)
త్వం గదీ త్వం శరీ చాపీ ఖట్వాంగీ ఝర్ఝరీ తథా।
ఛేత్తా భేత్తా ప్రహర్తా త్వం నేతా మంతా పితా మతః॥ 12-290-132(77046)
దశలక్షణసంయుక్తో ధర్మోఽర్థః కామ ఏవ చ।
గంగా సముద్రాః సరితః పల్వలాని సంరాసి చ॥ 12-290-133(77047)
లతా వల్ల్యస్తృణౌషధ్యః పశవో మృగపక్షిణః।
ద్రవ్యకర్మసమారంభః కాలః పుష్పఫలప్రదః॥ 12-290-134(77048)
ఆదిశ్చాంతశ్చ దేవానాం గాయత్ర్యోంకార ఏవ చ।
హరితో రోహితో నీలః కృష్ణో రక్తస్తథాఽరుణః।
కద్రుశ్చ కపిలశ్చైవ కపోతో మేచకస్తథా॥ 12-290-135(77049)
అవర్ణశ్చ సువర్ణశ్చ వర్ణకారో ఘనోపమః।
సువర్ణనామా చ తథా సువర్ణప్రియ ఏవ చ॥ 12-290-136(77050)
త్వమింద్రశ్చ యమశ్చైవ వరుణో ధనదోఽనలః।
ఉపప్లవశ్చిత్రభానుః స్వర్భానుర్భానురేవ చ॥ 12-290-137(77051)
హోత్రం హోతా చ హోంయం చ హుతం చైవ తథా ప్రభుః।
త్రిసౌపర్ణం తథా బ్రహ్మ యజుషాం శతరుద్రియం॥ 12-290-138(77052)
పవిత్రం చ పవిత్రాణాం మంగలానాం చ మంగలం।
గిరికో హిండుకో వృక్షో జీవః పుద్గల ఏవ చ॥ 12-290-139(77053)
ప్రాణః సత్త్వం రజశ్చైవ తమశ్చాప్రమదస్తథా।
ప్రాణోపానః సమానశ్చ ఉదానో వ్యాన ఏవ చ॥ 12-290-140(77054)
ఉన్మేషశ్చ నిమేషశ్చ క్షుతం జృంభితమేవ చ।
లోహితాంతర్గతా దృష్టిర్మహావక్రో మహోదరః॥ 12-290-141(77055)
సూచీరోమా హరిశ్మశ్రురూర్ధ్వకేశశ్చలాచలః।
గీతవాదిత్రతత్త్వజ్ఞో గీతవాదనకప్రియః॥ 12-290-142(77056)
మత్స్యో జలచరో జాల్యోఽకలః కేలికలః కలిః।
అకాలశ్చాతికాలశ్చ దుష్కాలః కాల ఏవ చ॥ 12-290-143(77057)
మృత్యుః క్షురశ్చ కృత్యశ్చ పక్షోఽపక్షక్షయంకరః।
మేఘకాలో మహాదంష్ట్రః సంవర్తకబలాహకః॥ 12-290-144(77058)
ఘంటోఽఘంటో ఘటీ ఘంటీ చరుచేలీ మిలీమిలీ।
బ్రహ్మకాయికమగ్నీనాం దండీ ముండస్త్రిదండధృక్॥ 12-290-145(77059)
చతుర్యుగశ్చతుర్వేదశ్చాతుర్హోత్రప్రవర్తకః।
చాతురాశ్రంయవేతా చ చాతుర్వర్ణ్యకరశ్చ యః॥ 12-290-146(77060)
సదా చాక్షప్రియో ధూర్తో గణాధ్యక్షో గణాధిపః।
రక్తమాల్యాంబరఘరో గిరిశో గిరికప్రియః॥ 12-290-147(77061)
శిల్పికః శిల్పినాంశ్రేష్ఠః సర్వశిల్పప్రవర్తకః।
భగనేత్రాంకుశశ్చండః పూష్ణో దంతవినాశనః॥ 12-290-148(77062)
స్వాహాస్వధావషట్కారో నమస్కారో నమో నమః।
గూఢవ్రతో గుహ్యతపాస్తారకస్తారకామయః॥ 12-290-149(77063)
ధాతా విధాతా సంధాతా విధాతా ధారణో ధరః।
బ్రహ్మా తపశ్చ సత్యం చ బ్రహ్మచర్యమథార్జవం॥ 12-290-150(77064)
భూతాత్మా భూతకృద్భూతో భూతభవ్యవోద్భవః।
భూర్భువః స్వరితశ్చైవ ధ్రువో దాంతో మహేశ్వరః॥ 12-290-151(77065)
దీక్షితోఽదీక్షితః క్షాంతో దుర్దాంతోఽదాంతనాశనః।
చంద్రావర్తయుగావర్తః సంవర్తః సంప్రవర్తకః॥ 12-290-152(77066)
కామో విందురణుః స్థూలః కర్ణికారస్రజప్రియః।
నందీముఖో భీమముఖః సుముఖో దుర్ముఖోఽముఖః॥ 12-290-153(77067)
చతుర్ముఖో బహుముఖో రణేష్వగ్నిముఖస్తథా।
హిరణ్యగర్భః శకునిర్మహోరగపతిర్విరాట్॥ 12-290-154(77068)
అధర్మహా మహాపార్శ్వశ్చండధారో గణాధిపః।
గోనర్దో గోప్రతారశ్చ గోవృషేశ్వరవాహనః॥ 12-290-155(77069)
త్రైలోక్యగోప్తా గోవిందో గోమార్గోఽమార్గ ఏవ చ।
శ్రేష్ఠః స్థిరశ్చ స్థాణుశ్చ నిష్కంపః కంప ఏవ చ॥ 12-290-156(77070)
దుర్వారణో దుర్విషహో దుఃసహో దురతిక్రమః।
దుర్ధర్పో దుష్ప్రకంపశ్చ దుర్విషో దుర్జయో జయః॥ 12-290-157(77071)
శశః శశాంకః శమనః శీతోష్ణక్షుజ్జరాధికృత్।
ఆధయో వ్యాధయశ్చైవ వ్యాధిహా వ్యాధిరేవ చ॥ 12-290-158(77072)
మమ యజ్ఞమృగవ్యాధో వ్యాధీనామాగమో గమః।
శిఖండీ పుండరీకాక్షః పుండరీకవనాలయః॥ 12-290-159(77073)
దండధారస్త్ర్యంబకశ్చ ఉగ్రదండోఽండనాశనః।
విషాగ్నిపాః సురశ్రేష్ఠః సోమపాస్త్వం మరుత్పతిః॥ 12-290-160(77074)
అమృతపాస్త్వం జగన్నాథ దేవదేవ గణేశ్వరః।
విషాగ్నిపా మృత్యుపాశ్చ క్షీరపాః సోమపాస్తథా।
మధుశ్చ్యుతానామగ్రపాస్త్వం త్వమేవ తుషితాద్యపాః॥ 12-290-161(77075)
హిరణ్యరేతాః పురుషస్త్వమేవ
త్వం స్త్రీ పుమాంస్త్వం చ నపుంసకం చ।
బాలో యువా స్థవిరో జీర్ణదంష్ట్రస్త్వం
నాగేంద్ర శక్రస్త్వం విశ్వకృద్విశ్వకర్తా॥ 12-290-162(77076)
విశ్వకృద్విశ్వకృతాం వరేణ్యస్త్వం విశ్వబాహో
విశ్వరూపస్తేజస్వీ విశ్వతోముఖః।
చంద్రాదిత్యౌ చక్షుషీ తే హృదయం చ పితామహః। 12-290-163(77077)
మహోదధిః సరస్వతీ వాగ్బలమనలోఽ
నిలః అహోరాత్రం నిమేషోన్మేషకర్మా॥ 12-290-164(77078)
న బ్రహ్మా న చ గోవిందః పౌరాణా ఋషయో న తే।
మాహాత్ంయం వేదితుం శక్తా యాథాతథ్యేన తే శివ॥ 12-290-165(77079)
యా మూర్తయః సుసూక్ష్మాస్తే న మహ్యం యాంతి దర్శనం।
త్రాహి మాం సతతం రక్ష పితా పుత్రమివౌరసం॥ 12-290-166(77080)
రక్ష మాం రక్షణీయోఽహం తవానఘ నమోస్తు తే।
భక్తానుకంపీ భగవాన్భక్తశ్చాహం సదా త్వయి॥ 12-290-167(77081)
యః సహస్రాణ్యనేకాపి పుంసామావృత్య దుర్దృశః।
తిష్ఠత్యేకః సముద్రాంతే స మే గోప్తాఽస్తు నిత్యశః॥ 12-290-168(77082)
యం వినిద్రా జితశ్వాసాః సత్వస్థాః సంయతేంద్రియాః।
జ్యోతిః పశ్యంతి యుంజానాస్తస్మై యోగాత్మనే నమః॥ 12-290-169(77083)
జటిలే దండినే నిత్యం లంబోదరశరీరిణే।
కమండలునిషంగాయ తస్మై బ్రహ్మాత్మనే నమః॥ 12-290-170(77084)
యస్య కేశేషు జీమూతా నద్యః సర్వాంగసంధిషు।
కుక్షౌ సముద్రాశ్చత్వారస్తస్మై తోయాత్మనే నమః॥ 12-290-171(77085)
సంభక్ష్య సర్వభూతాని యుగాంతే పర్యుపస్థితే।
యః శేతే జలమధ్యస్థస్తం ప్రపద్యేఽంబుశాయినం॥ 12-290-172(77086)
ప్రవిశ్య వదనం రాహోర్యః సోమం పిబతే నిశి।
గ్రసత్యర్కం చ స్వర్భానుర్భూత్వా మాం సోఽభిరక్షతు॥ 12-290-173(77087)
యే చానుపతితా గర్భా యథా భాగానుపాసతే।
నమస్తేభ్యః స్వధా స్వాహా ప్రాప్నువంతు ముదం తు తే॥ 12-290-174(77088)
యేఽంగుష్ఠమాత్రాః పురుషా దేహస్థాః సర్వదేహినాం।
రక్షంతు తే హి మాం నిత్యం నిత్యం చాప్యాయయంతు మాం॥ 12-290-175(77089)
యేన రోదంతి దేహస్థా దేహినో రోదయంతి చ।
హర్షయంతి న హృష్యంతి నమస్తేభ్యోఽస్తు నిత్యశః॥ 12-290-176(77090)
యే నదీషు సముద్రేషు పర్వతేషు గుహాసు చ।
వృక్షమూలేషు గోష్ఠేషు కాంతారే గహనేషు చ॥ 12-290-177(77091)
చతుష్పథేషు రథ్యాసు చత్వరేషు తటేషు చ।
హస్త్యశ్వరథశాలాసు జీర్ణోద్యానాలయేషు చ॥ 12-290-178(77092)
యేషు పంచసు భూతేషు దిశాసు విదిశాసు చ।
చంద్రార్కయోర్మధ్యగతా యే చ చంద్రార్కరశ్మిషు॥ 12-290-179(77093)
రసాతలగతా యే చ యే చ తస్మై పరం గతాః।
నమస్తేభ్యో నమస్తేభ్యో నమస్తేభ్యోస్తు నిత్యశః॥ 12-290-180(77094)
యేషాం న విద్యతే సంఖ్యా ప్రమాణం రుపమేవ చ।
అసంఖ్యేయగుణా రుద్రా నమస్తేభ్యోస్తు నిత్యశః॥ 12-290-181(77095)
సర్వభూతకరో యస్మాత్సర్వభూతపతిర్హరః।
సర్వభూతాంతరాత్మా చ తేన త్వం న నిమంత్రితః॥ 12-290-182(77096)
త్వమేవ హీజ్యసే యస్మాద్యజ్ఞైర్వివిధదక్షిణైః।
త్వమేవ కర్తా సర్వస్య తేన త్వం న నిమంత్రితః॥ 12-290-183(77097)
అథవా మాయయా దేవ సూక్ష్మయా తవ మోహితః।
ఏతస్మాత్కారణాద్వాఽపి తేన త్వం న నిమంత్రితః॥ 12-290-184(77098)
ప్రసీద మమ భద్రం తే భవ భావగతస్య మే।
త్వయి మే హృదయం దేవ త్వయి బుద్ధిర్మనస్త్వయి॥ 12-290-185(77099)
స్తుత్వైవం స మహాదేవం విరరామ ప్రజాపతిః।
భగవానపి సుప్రీతః పునర్దక్షమభాషత॥ 12-290-186(77100)
పరితుష్టోఽస్మి తే దక్ష స్తవేనానేన సువ్రత।
బహునాత్ర కిముక్తేన మత్సమీపే భవిష్యసి॥ 12-290-187(77101)
అశ్వమేధసహస్రస్య వాజపేయశతస్య చ।
ప్రజాపతే మత్ప్రసాదాత్ఫలభాగీ భవిష్యసి॥ 12-290-188(77102)
అథైనమబ్రవీద్వాక్యం లోకస్యాధిపతిర్భవః।
ఆశ్వాసనకరం వాక్యం వాక్యవిద్వాక్యసంమితం॥ 12-290-189(77103)
దక్ష దక్ష న కర్తవ్యో మన్యుర్విఘ్నమిమం ప్రతి।
అహం యజ్ఞహరస్తుభ్యం దృష్టమేతత్పురాతనం॥ 12-290-190(77104)
భూయశ్చ తే వరం దద్మి తం త్వం గృహ్ణీష్వ సువ్రత।
ప్రసన్నవదనో భూత్వా తదిహైకమనాః శృణు॥ 12-290-191(77105)
వేదాత్షడంగాదుద్ధృత్య సాంఖ్యయోగాచ్చ యుక్తితః।
తపః సుతప్తం విపులం దుశ్చరం దేవదానవైః॥ 12-290-192(77106)
అపూర్వం సర్వతోభద్రం సర్వతోముఖమవ్యయం।
అబ్దైర్దశాహసంయుక్తం గూఢమప్రాజ్ఞనిందితం॥ 12-290-193(77107)
వర్ణాశ్రమకృతైర్ధర్మైర్విపరీతం క్వచిత్సమం।
గతాంతైరధ్యవసితమత్యాశ్రమమిదం వ్రతం॥ 12-290-194(77108)
మయా పాశుపతం దక్ష శుభముత్పాదితం పురా।
తస్య చీర్ణస్య తత్సంయక్ఫలం భవతి పుష్కలం॥ 12-290-195(77109)
తచ్చాస్తు తే మహాభాగ త్యజ్యతాం మానసో జ్వరః।
ఏవముక్త్వా మహాదేవః సపత్నీకః సహానుగః।
అదర్శనమనుప్రాప్తో దక్షస్యామితవిక్రమః॥ 12-290-196(77110)
దక్షప్రోక్తం స్తవమిమం కీర్తయేద్యః శృణోతి వా।
నాశుభం ప్రాప్నుయాత్కించిద్దీర్ఘమాయురవాప్నుయాత్॥ 12-290-197(77111)
యథా సర్వేషు దేవేషు వరిష్ఠో భగవాంఛివః।
తథా స్తవో వరిష్ఠోఽయం స్తవానాం బ్రహ్మసంమితః॥ 12-290-198(77112)
యశోరాజ్యసుఖైశ్వర్యకామార్థధనకాంక్షిభిః।
శ్రోతవ్యో భక్తిమాస్థాయ విద్యాకామైశ్చ యత్నతః॥ 12-290-199(77113)
వ్యాధితో దుఃఖితో దీనశ్చోరగ్రస్తో భయార్దితః।
రాజకార్యాభియుక్తో వా ముచ్యతే మహతో భయాత్॥ 12-290-200(77114)
అనేనైవ తు దేహేన గణానాం సమతాం వ్రజేత్।
తేజసా యశసా చైవ యుక్తో భవతి నిర్మలః॥ 12-290-201(77115)
న రాక్షసాః పిశాచా వా న భూతా న వినాయకాః।
విఘ్నం కుర్యుర్గృహే తస్య యత్రాయం పఠ్యతే స్తవః॥ 12-290-202(77116)
శృణుయాచ్చైవ యా నారీ తద్భక్తా బ్రహ్మచారిణీ।
పితృపక్షే మాతృపక్షే పూజ్యా భవతి దేవవత్॥ 12-290-203(77117)
శృణుయాద్యః స్తవం కృత్స్నం కీర్తయేద్వా సమాహితః।
తస్య సర్వాణి కర్మాణి సిద్ధిం గచ్ఛంత్యభీక్ష్ణశః॥ 12-290-204(77118)
మనసా చింతితం యచ్చ యచ్చ వాచాఽనుకీర్తితం।
సర్వం సంపద్యతే తస్య స్తవస్యాస్యానుకీర్తనాం॥ 12-290-205(77119)
దేవస్య చ గుహస్యాపి దేవ్యా నందీశ్వరస్య చ।
బలిం సువిహితం కృత్వా దమేన నియమేన చ॥ 12-290-206(77120)
తతస్తు యుక్తో గృహ్ణీయాన్నామాన్యాశు యథాక్రమం।
ఈప్సితాఁల్లభతే సోర్థాన్భోగాన్కామాంశ్చ మానవః॥ 12-290-207(77121)
మృతశ్చ స్వర్గమాప్నోతి తిర్యక్షు చ న జాయతే।
ఇత్యాహ భగవాన్వ్యాసః పరాశరసుతః ప్రభుః॥ ॥ 12-290-208(77122)

ఇతి శ్రీమన్మహాభారతే శాంతిపర్వణి మోక్షధర్మపర్వణి నవత్యధికద్విశతతమోఽధ్యాయః॥ 290॥

Mahabharata - Shanti Parva - Chapter Footnotes

12-290-12 వధం చ సంప్రపన్నా వై కింతు కాలస్యేతి ధ. పాఠః॥ 12-290-24 క్షుభితో హ్యువాచేతి ధ. పాఠః॥ 12-290-28 యం దదామి వరారోహే యోగార్థే ఇతి ధ. పాఠః॥ 12-290-41 ప్రహరంత్యధ్వరే ఘోరా ఇతి ధ. పాఠః॥ 12-290-47 క్షోభయంత్యశుభైర్వకైరితి ధ. పాఠః॥ 12-290-62 యజ్ఞఘాతవినిర్ఘాతైః శివాశతనినాదితైరితి ధ. పాఠః॥ 12-290-63 వకస్థానేన పద్మాసనాపరపర్యాయేణ యోగాసనేన॥ 12-290-69 తృణీకృతాపవిద్ధం చేతి ధ. పాఠః॥ 12-290-78 స్వమివ యేమిరే ఇతి ధ. పాఠః॥ 12-290-84 నమశ్చండాయ ముణ్·డాయేతి ధ. పాఠః॥ 12-290-85 శుద్ధాయాత్మకృతాయ చేతి ధ. పాఠః॥ 12-290-90 మహామాత్రాయ మంత్రాయేతి ధ. పాఠః॥ 12-290-97 బహుజిహ్వాయ దంష్ట్రిణి ఇతి ధ. పాఠః॥ 12-290-98 క్రిడక్రిడాయ చణ్·డాయేతి ధ. పాఠః॥ 12-290-103 నమశ్చండికదండాయ చండాయాదన్డదణ్·డినే ఇతి ధ. పాఠః॥ 12-290-104 సహస్రధాతుచండాయ రుణ్·డమాలాప్రియాయ చేతి ధ. పాఠః॥ 12-290-109 బాలసూర్యధరాయ చేతి ధ. పాఠః॥ 12-290-110 బాలాతురాణాం గోపాయేతి ధ. పాఠః॥ 12-290-114 సాంఖ్యాయ సాంఖ్యయోగాయేతి ధ. పాఠః॥ 12-290-116 ఈశానబ్రహ్మసంభూతేతి ధ. పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.